Joan den urriaren 27an, Harrobiako Marketineko 1. mailako ikasleak BIMEra joan ginen, Euskalduna jauregian musika-industriari buruz egin zen kongresu garrantzitsura. Leku moderno eta ikusgarri honek musikaren, teknologiaren eta marketinaren munduko profesionalak elkartzen ditu.

Lehenengo momentutik, deigarria izan zen artistak managerrekin konektatzen dituzten plataformak eta sormena eta aisialdia lotzen dituzten bideojoko musikalak ezagutzea.

Alhambra markaren hitzaldia bitxia izan zen, publizitatea eta kultura uztartuz "Palo flamenco" baten bidez. Publikoarekin konektatzeko modu desberdin bat iruditu zitzaidan, oso sortzailea.

Oro har, BIMEko eguna oso esperientzia positiboa izan zen. Gauza berri asko ikasi nituen musika eta marketina konektatzeko moduari buruz, eta sektore honetan sormena zein garrantzitsua den konturatu nintzen.